دعة يمر

كلام فالحريه

archsoom1 — Tue, 22 May 2007 23:48:18 +0000

كل واحد فينا لة راية عن الحرية وبيختلف اختلاف كبير من واحد للتانى واعتقد ان كل الناس عايز الحرية ماعتقدش حد بيرفضها ممكن يتغاضى عنها ودة بيكون فى وقت مطالبة الحرية صعب ونهاينة الموت او التضييق المادى او النفسى .
انا رايى الحرية زى الهواء سواء هواء ملوث بثانى اكسيد الكربون او هواء نقى بالاكسجين بس محدش يقدر يعيش من غيرة
يعنى فى بيئات يبقى هوائها ملوث بسببب القاذورات وكدة وبسبب الدخان والاهمال وفى اماكن هوائها نقى نظيف بسبب النظام النظافة الفلوس التكييف اى سبب

كمان بردو الحرية كدة فى بيئات بتبقى الحرية دى ملوثة باى ملوث وفى بيئات بتبقى نقية

بس معتقدش انها ف مكان بتبقى فية االحرية نقية مية فمية والا جبلى شوية هواء نقى مية فالميه
فى ناس تبقى مكبوتة جدا تبقى عايزة اى ثقب تتنفس منة حرية تبقى مش قادرة تقول رايها وكل شوية تحاول توسع الثقب ده
ساعات مبنقدرش نوسع الثقب دة زى ماحنا عايزين يعنى مثلا معندكش الحرية انك تسرق ودة بسبب ضميرك وتربيتك ومبادئك ودينك ينى ممكن تبقى محتاج للفلوس دى جدا بس متقدرش تسرق .
ممكن تبقى عايز تحارب بس متقدرش لان بلدك مش داخله حرب اساسا او لانك خايف او لان عندك اولاد خايف يتيتمو او لانك مريض او لانك عندك عيب خلقى لا قدر الله.
ممكن تبقى عايز تبقى حر وتحب اى حد بس ساعات متقدرش لانة بيكون حب من طرف واحد لان خجلك بيمنعك تعترف بالحب كمان لو انك متقدرش تسعد الطرف التانى .
ممكن تبقى عايز تبقى حر وتلف العالم بس معندكش فلوس او انك مريض وسفرك يتعبك او انك ممنوع من السفر
ممكن تكون مسجون سواء مظلوم او لا بس فالنهاية انت مش قادر تمارس حريتك
ممكن ميكنش عندك حرية الكلام انك تكلم براحتك ممكن متقدرش تقول كلمتك فالبيت لو انت خايف من مراتك او العكس او انك خايف من والدك او انك خايف حد يسمعك او لان مفيش حرية فالبلد زى دلوقتى يعنى فمتقدرش تتكلم بحريه فا لسيا سه وكمان زى ايام عبد ناصر مكنتش تقدر تتكلم اصلا فالسياسه
ممكن تكون جسمك طخين متقردش تجرى بحرية ممكن يكون عليك ضغط فشغلك متقدرش تشتغل بحريه
ممكن كمان متقدرش تختار دينك واتجاهك السياسى بحرية زى ايام عبد ناصر كان كل الشعب لازم يبقى اشتراكى او دولة اليهود فقط زى اسرائيل
على كل حال انا مش اقول احسن من الى فى فيلم فريدووم
سلمى:ماذا تريد من الحياة
انطونى :الحريه
سلمى هذا شى سهل:
انطونى :لا

والى قالة عمر الشريف الحرية اعلى من الحياة فى فى بيتنا رجل

to be contnued

عملت حادثه

archsoom1 — Sat, 21 Apr 2007 10:29:36 +0000

الحمد لله انا سليم ومحصليش حاجة بس جيبى مش سليم دفعت 250 جنية بعد المفاوضات والرافة انا كنت ماشى فالزحمة وكنا شله اربع عربيات وماشيين كلنا ومش عارفين حنروح فين اقصد متفقناش على المكان الى حنقعد فية وماشيين وخلاص عربية بتلف انا اتوقعت انى حعديها ومردتش افرمل المهم العربية التانية كان بتلف من ملف وانا فاكرة حتمشى فخبطها مرتين ولا بعض المهم راجل طلع دكتور فالجامعة الحمد لله كان محترم بس قالى لازم نروح للسمكرى فاديت مفاتيح عربيتى لواحد صاحبى علشان يهرب بيها ونبقى نهرب احنا بئة المهم صاحبى ركن الدكتور دة جابه وركب معاة فالعربية واحنا فاكرين اننا هربنا منة المهم ادينى دفعت الفلوس وادى عربيتى مرمية ومخبوطة خبطة بسيطة وملش نفس اركبها

صور من موتمر القاهرة

archsoom1 — Wed, 04 Apr 2007 16:39:59 +0000

دى صور موتمر القاهرة الدولى ومنتدى الحريات الطلابية الى كان مشارك فية اتحاد طلاب حزب الغد

دى صور المعرض الى عملة طلاب حزب الغد

صور متفرقة من الموتمر

الكوريون والاتراك

منتدى الحريات الطلابية

المتحدث باسم الطلاب الاجانب

دكتور يحيى القزاز وهو من اساتذة الجامعات الذين تاذو بسبب مواقفهم الحرة

رئيس اتحاد الطلاب الحر عمرو حامد

مداخلات اعضاء اتحاد طلاب حزب الغد

بلال دياب ممثل طلاب حزب الغد على يسار الصورة وبجوارة ممثل حزب العمل بشارتة الخضراء

المعارضة المفترية

archsoom1 — Tue, 27 Mar 2007 00:44:09 +0000

المعارضة دى ياخى بتستعبط قال اية عايزين حرية وكرامة د قلة ادب دول بيقاطعو الدستور الظلمة حسبنا الله ونعم الوكيل فيهم ما لة تعديل الدستور مهو تمام التمام واللجان مكتظة بالناس قال اية بيقولو محدش بيروح ناس ظلمة ومعرفش لية هما معملوش مظاهرات مع ان الامن موفرهم كل حاجةا

اهو جيش الامن بيجهز علشان يحمىاعضاء المعارضة من الناس الى ممكن تاذيهم لو عملو مظاهرة

العدد بيزيد علشان يحمو المعارضة لايتتجننو ويتظاهرو علشان الحرية والكرامة

وجنود الامن يجرون بكل همة من اجل انقاذ شباب المعارضة

خافو على الناس متاعت الغد لتتظاهر فقالو نحميهم ونحاصرهم ليتجننو وينزلو المظاهرة وفضلو محاصرينا يجى اربع ساعات وكان عندنا طلبة كتير مش اعضاء بالحزب وغير مسيسة اساسا كان موجودين فى دورة بس الحمد لله لحقو يمشو قبل محد يكلمهم او يتحاصرو

ومازل الحصار مستمر

سيارة مجهزة بسبل الراحة علشان تحمى رجالة الغد من الناس الى حتضربهم علشان مقاطعين

متابعة لمظاهرة الغد امام مجلس الشعب للمطالبة بالافراج عن ايمن نور

archsoom1 — Tue, 30 Jan 2007 00:17:21 +0000

النهاردة كانت مظاهرة الغد قدام مجلس الشعب ودى اول فاعلية بعملها على المدونة يارب تبقى وشها حلو على مصر والغد وايمن نور

كانت مظاهرة كويسة والاعلام غطاها كويس وعدد الناس كاان معقول وكان ناس من بورسعيد

وعدد من المحافظات موجودين بارسلهم التحية

لسة قدام مجلس الشعب

المواجهة
بعد كدة كنا حنعمل مسيرة واضح انها كانت حتبقى كويسة بس معرفش الشرطة هى الى وقفتها وحاوطتها ولا الشباب وقفوا عملو مظاهرة تانى
انا شخصيا خرجت علشان اصور الناس عرفت بعد كدة انهم اتحاصرو وقعدو مدة حلوة اوى اوى

بداية الحصار

الوضع يتازم وشباب الغد تبدا فالهتاف من جديد

الوضع متازم لكن شباب الغد لم يكف عن الهتاف
الحكاية بازت خالص وعرفت ان الامن مش حيمشيهم دلوقتى وقعدوا كل شوية يقلولى امشى قلت استناهم فالحزب بئة المهم رجعوا بالسلامة

__________________

archsoom1 — Fri, 26 Jan 2007 23:40:16 +0000

المركز الأعلامى: منظمات حقوقية مصرية تطالب بالعفو الصحى عن الزعيم أيمن نور

الموضوع: بــــيانات صحفيه

القاهرة (رويترز) - طالبت 23 منظمة حقوقية مصرية يوم الاثنين الرئيس حسني مبارك بتخفيف عقوبة السجن لمدة خمس سنوات التي يقضيها مرشح الرئاسة السابق والزعيم المعارض أيمن نور .

وقالت المنظمة المصرية لحقوق الانسان كبرى المنظمات الحقوقية المصرية و22 منظمة أخرى في بيان انها تدعو لتخفيف العقوبة عن نور "لتدهور حالته الصحية."

وأضافت أن معلومات أفادت أن نور (41 عاما) الذي أجريت له في الاونة الاخيرة عملية في القلب تعرض لنزيف دموي في شبكية العينين "مما يهدد بحدوث تليف بالعصب البصري."

وتابعت أن ظروف سجنه تسببت في عجزه عن الحركة الطبيعية. ودعت المنظمات النائب العام لتقصي "الاوضاع داخل سجن مزرعة طرة (في جنوب القاهرة) والوقوف على الحالة الصحية للمذكور (نور) خشية تعرض حياته للخطر."

ويجيز الدستور المصري لرئيس الدولة العفو عن السجناء أو تخفيف العقوبة. كما يجيز القانون المصري الافراج عن المحكوم عليه اذا اصيب بمرض يهدد حياته أو ينطوي على خطر اصابته بعجز كلي.

وقالت المنظمات انها تطالب مبارك بتخفيف العقوبة الى المدة التي قضاها نور في السجن.

وكان نور جاء تاليا لمبارك في انتخابات الرئاسة التي أجريت في سبتمبر 2005 .

وخسر نور في نوفمبر تشرين الثاني 2005 مقعده في مجلس الشعب عن دائرة بوسط القاهرة مثلها في البرلمان عشر سنوات .

ويقول نور ان قضية تزوير أوراق تأسيس حزب الغد لفقت له لابعاده عن الحياة السياسية لكن الحكومة تقول ان القضية جنائية.

وطالب نور عدة مرات العام الماضي بالافراج عنه لاسباب صحية. ووقع أكثر من مئة عضو في مجلس الشعب طلبا تقدموا به الى مبارك للافراج عنه.

وطالبت الولايات المتحدة مصر عدة مرات بالافراج عن نور.