متابعة لمظاهرة الغد امام مجلس الشعب للمطالبة بالافراج عن ايمن نور
النهاردة كانت مظاهرة الغد قدام مجلس الشعب ودى اول فاعلية بعملها على المدونة يارب تبقى وشها حلو على مصر والغد وايمن نور
كانت مظاهرة كويسة والاعلام غطاها كويس وعدد الناس كاان معقول وكان ناس من بورسعيد
وعدد من المحافظات موجودين بارسلهم التحية
لسة قدام مجلس الشعب
المواجهة
بعد كدة كنا حنعمل مسيرة واضح انها كانت حتبقى كويسة بس معرفش الشرطة هى الى وقفتها وحاوطتها ولا الشباب وقفوا عملو مظاهرة تانى
انا شخصيا خرجت علشان اصور الناس عرفت بعد كدة انهم اتحاصرو وقعدو مدة حلوة اوى اوى
بداية الحصار
الوضع يتازم وشباب الغد تبدا فالهتاف من جديد
الوضع متازم لكن شباب الغد لم يكف عن الهتاف
الحكاية بازت خالص وعرفت ان الامن مش حيمشيهم دلوقتى وقعدوا كل شوية يقلولى امشى قلت استناهم فالحزب بئة المهم رجعوا بالسلامة
__________________
شباب الغد عرفنا عنكم القوة و الحماس دة و ربنا يوفقكم و دايما يكون في قلوبكم عايشة القضية و عمرها ماتموت و نحن وراء الحق مادام لنا و أيمن نور مش بس الغد أيمن نور بغض النظر عن سوءاته فهو قائد المعارضة الذي أحيا بداخلنا الأمل من بعد فقدانه بالقضية و بالتغيير
و يارب يكون عندنا ثورة برتقالية إحنا كمان زي لصورة ما بتقول
Comment by سارة نور الدين — January 30, 2007 @ 12:40 am
شكرا يا سارة والكلام دة ميقلقوش غير انسانة مثقفة عندها روح الاختلاف والتسامح اديكى طلعتى ليبرالية فالاخر غصب عنك
Comment by archsoom1 — January 30, 2007 @ 12:59 am
موضوع حلو وممكن يكون احلى بس بالصبر والاجتهاد
Comment by على جبر — January 30, 2007 @ 1:07 am
مدونة جميلة يا حسام .. و أنا أحيي فيك حبك دايما ً لتطوير نفسك … و انشاء الله مدونتك تكون من أكبر المدونات و اهمها .
Comment by m_magdy — January 30, 2007 @ 1:10 am
شكرا يا استاذ على وعلى ايدك ان شاء الللة واتشرف بنصائح حضرتك
محمد مجدى شكرا وانا احيى فيك روح الغد ومش مهم تبقى المدونة مهمة المهم اعبر عن رايى والمهم مصر تبقى كبيرة والغد كبير
Comment by archsoom1 — January 30, 2007 @ 1:18 am
انا يوميها كنت مبسوطجدا لانحسيت ان الناس بدأت تتحرك تاني بعد الخمول اللي صابهم بعد انتخابات الرئاسه
وعجبني منظر علم الغد وهو يرفرف حسيت اننا فتحنا حته في مصر بتقول “انا لا اتبع نظاممبارك”.
Comment by وله نهايه — January 31, 2007 @ 4:40 pm
Iwish to be with you but ifeel it will be so soon
Comment by DINA SAFWAUT — June 19, 2007 @ 10:14 pm